Ýüzbe-ýüz söhbetdeşlikde täsiri bozýan 8 sany ownuk ýalňyşlyk

Söhbetdeşlikdäki ilkinji 5 minut — siziň karýeraňyzyň ykbalyny çözüp biler. Şol gysga wagtyň içinde iş berijide oňat täsir galdyrmak üçin aşakdaky nokatlara üns beriň:

1. Wagtyny dogry sazlamazlyk

Bellenilen wagtdan 20 minut öň gelmek, edil gijä galmak ýaly amatsyzdyr. Bu ýagdaý HR-menejeriň iş tertibini bozar we siziň wagtyňyzy dolandyryp bilmeýändigiňizi görkezer.

• Maslahat: Ofise bellenilen wagtdan 5–7 minut öň girmek iň dogry saýlawdyr.

2. Güýçli atyr ýa-da çilim ysy

Ýapyk otagda islendik ýiti ys garşyňyzdaky adamy biynjalyk edip biler. Söhbetdeş bolýan adamyňyz siziň tejribäňiz barada däl-de, eýsem otagy haçan terk etjekdigiňiz barada oýlanyp başlamagy mümkin.

• Maslahat: Duşuşygyň öňüsyrasynda çilim çekmekden we güýçli atyrlardan saklanyň.

3. Telefony stoluň üstüne goýmak

Telefonyňyzy ekranyny ýokaryk edip stoluň üstünde goýsaňyz, bu "Meniň üçin şu gepleşikden has möhüm zatlar bar" diýen signaly berýär.

• Maslahat: Telefonyňyzyň sesini öçürip, sumkaňyza ýa-da jübiňize salyň.

4. Goş-golamlaryň tertipsizligi

Egin-eşikleriňizi dyzyňyzda saklamak, elinizde dürli paketleriň ýa-da kofe stakanlarynyň bolmagy sizi tertipsiz görkezer.

• Maslahat: Daşary eşikleriňizi garžeroba goýuň. Elinizde diňe resminamalar bukjasyny ýa-da bellik depderçesini saklaň.

5. Beden dili we salamlaşyk ýalňyşlyklary

Gowşak salamlaşmak ýa-da oturgyçda gaty arkaýyn (ýa-da gaty gysylyp) oturmak professional däl diýlip hasaplanýar.

• Maslahat: El berip salamlaşanyňyzda ynamly boluň we arkanyňyzy dik tutup oturyň.

6. "Kiçi gürrüňlere" (Small Talk) taýýar bolmazlyk

Söhbetdeşlik esasy soraglar bilen däl, eýsem otaga çenli barýan ýoluňyzda başlanýar. Gidip barýarkaňyz dymmak, siziň aragatnaşyk ukyplaryňyzyň pesdigini aňladar.

• Maslahat: Ofisiň owadanlygy ýa-da ony aňsat tapandygyňyz barada birnäçe ýakymly söz taýýarlaň.

7. Kompaniýa barada maglumatyň bolmazlygy

"Siz näme iş bilen meşgullanýarsyňyz?" diýen soragy bermek uly ýalňyşlykdyr. Bu siziň bu işe däl-de, diňe aýlyga gyzyklanýandygyňyzy görkezýär.

• Maslahat: Gelmezden öň kompaniýanyň saýtyny we täzeliklerini hökman öwreniň.

8. Rezýumäniň kagyz nusgasynyň ýoklugy

Tehnikanyň islendik wagt bökdemegi mümkin. Rezýumäniň kagyz nusgasynyň ýanyňyzda bolmagy siziň her bir zada öňünden taýýardygyňyzy subut eder.

• Maslahat: Özüňiz bilen rezýumäniň 2 sany kagyz nusgasyny getiriň.

Netije: Bu 8 madda eýermek bilen, siz özüňizi diňe bir hünärmen hökmünde däl, eýsem tertipli we sylagşykly şahsyýet hökmünde hem tanadarsyňyz.