Özüňize laýyk gelýän iş orunlaryna ýüz tutanyňyzda rezýumeňiz ilkinji täsir galdyrýan resminama bolýar. Köplenç, dogry doldurylan rezýume siziň arzuw edýän işiňize girmegiňizde iň kesgitleýji şert bolup durýar. Ine, üstünlikli rezýume ýazmak üçin birnäçe peýdaly maslahat:

1. Gysga we düşnükli bolsun:

Rezýumeniň möçberiniň 1 sahypadan geçmezligini gazanmaga çalyşyň. Diňe esasy maglumatlary goşuň, ýagny bilimiňiz, tejribäňiz, ukyp-başarnyklaryňyzdyr gyzyklanmalarňyz.

2. Özüňiz barada belläniňizde, maksatlaryňyzy beýan ediň:

Näme üçin bu ugurda iş gözleýäňiz? Gysgaça düşünjeli bir-iki jümle ýeterlik.

3. Işiňize degişli tejribäni öňe sürüň:

Her bir öňki işleýän ýeriňizde gazanan üstünlikleriňizi belläň. Sanly maglumatlary getirmek has peýdalydyr (meselem, “Satuwlary 30% ýokarlandyrdym”).

4. Ýalňyşsyz ýazmak möhümdir:

Ýazuw ýalňyşlary bolmaz ýaly rezýumeňizi birnäçe gezek gözden geçiriň.

5. Surat goşmak islän ýagdaýyňyzda — resmi görnüşli bolsun

Telefonda ýadygärlik üçin däl-de, degişli resminama üçin niýetlenen, düşnükli surat goýuň.